Umpasa dan Umpama

Umpasa dan Umpama

I.                   Patujolo

 Di parngoluon ni halak batak adong do na ni dok umpasa dohot umpana jala on jot-jot di pangke di ganup-ganup ulaon ni halak batak, marhite sian umpasa dohot umpama I do tarida hadirion habata-onta. umbahen i di tingkion naeng ma hita patorangkon taringot tu umpasa dohot umpama tu piga-piga ulaon ni halak batak.    

II.                Pembahasan

2.1.  Lapatan ni Umpasa

Umpasa I ma na marisi pangidoan pasu-pasu, hagabeon, pangaramotion dohot sude angka na uli, silehonlehon ni Tuhan i.[1] Jala umpasa i songon sada pantun manang boi ma didok hata parjolo patoranghon hata parpudi.[2]

a.      Umpasa di Ulaon Pamasu-masuon[3]

Ø  Sada tangan siamun, sada tangan hambirang;

 Manumpak ma Amanta Debata,

Diparsaripeonmuna unang olo sirang.

b.      Umpasa di Ulaon Na Tardidi

Ø  Sahat-sahat ni solu ma, di rondang ni bulan;

 Leleng ma ibana mangolu mangu-sung

 Goarna I, sai tongtong diiringiring Tuhan

c.       Umpasa di Ulaon Manghatindakhon Haporseaon

Ø  Martahuak manuk di toru ni bara ruma,

Na pantun marnatoras, ido halak na martua

d.      Umpasa di Ulaon Na Martohonan (Penabalan Sintua/ Pandita)

Ø  Siala gumba siarum na tata;

asa unang lupa damang di tona ni Debata

e.       Umpasa di Na Monding (Mangapuli)

Ø  Hau ni gunungtua, dangkana mardagul-dagul;

 Tibu ma dilehon Tuhanta dihamu tua,

 Jala tibu ma hamu di apul-apul

f.       Umpasa Tingki Parsirangan (Perpisahan)

Ø  Mangerbang bunga-bunga, di tiur ni mataniari;

Selamat jalan ma dihamu, selamat tinggal ma di hami

Ø  Pidong sitapitapi, habang diatas hauma;

Horas ma hamu na hupaborhat hami,

Horas ma hami na tinadingkon muna

2.2.  Lapatan ni Umpama

Umpama ima hata tudosan hampir mirip tu Falsafah ni natua-tua, Molo mandok umpama, unang hata (isi) ni Umpasa didok jala sebalikna molo mandok Umpasa unang ma hatani Umpama didok, asa taparrohahon ma I molo mandok Umpama manang Umpasa.[4]

a.      Umpama di Ulaon Pamasu-masuon[5]

ü  Bintang na rumiris,

Ombun na sumorop

Anak pe riris,

Boru pe torop

Lapatanna: hata pangidoan pasupasu, anggiat gabe situtu anak dohot boru na pinasupasui

b.      Umpama di Ulaon Na Tardidi

ü  Mangimbur songon ansimun,

Mabalga songon gundur,

Lapatanna : hatop magodang: nidok tu dakdanak.

c.       Umpama di Ulaon Manghatindakhon Haporseaon

ü  Manomba di tano nidegem

Manomba di langit jinujungmu

Lapatanna: Patuduhon toruk ni roha

d.      Umpasa di Na Monding (Mangapuli)

ü  Sarindan ni pinasa,

Tanotano ni hapadanan

Na manginjam do di hosa,

Tano do nampunasa badan.

Lapatanna: na ingkon marujung do ngolu on

III.             Panimpuli

Sian hatorangan na di ginjang boi ma taida umpasa ima na marisi pangidoan pasu-pasu, hagabeon, pangaramotion dohot sude angka na uli, silehonlehon ni Tuhan i. Jala umpasa i songon sada pantun manang boi ma didok hata parjolo patoranghon hata parpudi. Umpama ima hata tudosan hampir mirip tu Falsafah ni natua-tua.

IV.             Angka Buku Panguhalan

J. Sihombing, Umpama Batak dohot Lapatanna, P. Siantar: Penerbit PARDA, 1976 S.T.P.Siahaan, Angka Umpasa dohot Umpama Batak, Jakarta:--, 2015

Sumber lain:

http://hahorason.blogspot.co.id/2015/01/kumpulan-umpama-umpasa-batak.html, diakses pada tanggal 20 Oktober 2017

http://sian-porsea.blogspot.co.id/2011/09/pengertian-umpasa-umpama-dan-falsafah.html, diakses pada tanggal 20 Oktober 2017

---

[1] J. Sihombing, Umpama Batak dohot Lapatanna, (P. Siantar: Penerbit PARDA, 1976), 5

[2] http://hahorason.blogspot.co.id/2015/01/kumpulan-umpama-umpasa-batak.html, diakses pada tanggal 20 Oktober 2017

[3] S.T.P.Siahaan, Angka Umpasa dohot Umpama Batak, (Jakarta:--, 2015), 7-64

                [4] http://sian-porsea.blogspot.co.id/2011/09/pengertian-umpasa-umpama-dan-falsafah.html, diakses pada tanggal 20 Oktober 2017

[5] J. Sihombing, Umpama Batak dohot Lapatanna, 152-205